क्रान्ति केन्द्र सम्वाददाता
राष्ट्रिय एकता अभियान सप्तरीले जिल्लाका विभिन्न विपन्न र एकल महिलाहरुलाई एक कार्यक्रमबीच कम्बल वितरण गरेका छन् ।
राजविराजस्थित राजरंगशालामा जिल्लाका विभिन्न विपन्न र एकल महिलाहरुलाई शनिबार कम्बल वितरण गरिएको हो । मधेशी आयोगकी माननीय सदस्य रेणु साह र राष्ट्रिय एकता अभियानकी केन्द्रीय उपाध्यक्ष सुनिता साह आफ्ना हातबाट जिल्लाका विभिन्न ठाउँका ३० जना भन्दा बढी एकल महिला र विपन्न परिवारहरुलाई कम्बल वितरण गरेकी उपाध्यक्ष सुनिता साहले जानकारी दिईन् ।
सो कार्यक्रमममा पत्रकार महासंघ सप्तरी शाखाकी उपाध्यक्ष अम्बीका दाहाल, लोकतान्त्रिक समाजवादी पार्टी नेपलाकी अनुराधा साह, युवा नेता तथा समाजसेवी संजीब दास तथा स्थानीय बुद्धिजीविहरुको उपस्थिति रहेको थियो ।
