क्रान्ति केन्द्र सम्वाददाता
राजविराज । मधेश प्रदेश सरकारका पुर्व अर्थमन्त्री शैलेन्द्र प्रसाद साहले संघीयता विरोधी तत्वहरुको विरोधमा एकजुट हुन आग्रह गरेका छन् ।
शनिबार सप्तरीको तिलाठी कोईलाडी -८ तोपामा भेटघाट तथा शुभकामना आदानप्रदान कार्यक्रममा बोल्दै उनले संघीयता विरोधी तत्वहरु सक्रिय रहेको भन्दै त्यसलाई निर्मुल पार्न सबैलाई एकजुट हुन आग्रह गरेका छन् ।
‘अहिले संघीयतालाई सम्पात पार्न केही तत्वहरू सक्रिय रहेका छन्, उनीहरूलाई निरुत्साहित गर्न, निर्मुल पार्न एकजुट हुनु आवश्यक छ,’ उनले भने, ‘हजारौं मधेशीको रक्तदानले आएको संघीयतालाई जोगाउने अवसर आएको छ, सबै संघीयताप्रेमी एकजुट हौं ।’
उनले आठ प्रदेश मध्ये एक मात्र मधेश प्रदेशको नामङ्कन पहिचानको आधारमा हुनु समग्र मधेशवासीको लागि ठूलो उपलब्धी रहेको बताए ।
उक्त कार्यक्रममा पार्टीका स्थानीय नेता निरज मुक्ती, शिवनाथ यादव, माधव राय लगायत सयौंको संख्यामा स्थानीयहरुको उपस्थिति रहेको थियो ।
