क्रान्ति केन्द्र सम्वाददाता
राजविराज । सप्तरीको बोदेबरसाइन नगरपालिकामा आयोजित शुक्रबारे अतिरिक्त क्रियाकलाप कार्यक्रममा श्री चन्द्रा नमुना माध्यमिक विद्यालय प्रथम भएको छ। विभिन्न विधामा उत्कृष्ट प्रदर्शन गर्दै विद्यालयले कुल १२० अंक हासिल गरेको हो।
कार्यक्रमअन्तर्गत प्रथम स्थानमा हाजिरी जवाफ प्रतियोगितामा समूह, गायनमा छात्र, हिसाब दौडमा छात्र, निबन्धमा छात्रा, वक्तृत्वकलामा छात्रा तथा चित्रकलामा छात्रले स्थान हासिल गरेका छन्।
त्यस्तै दोस्रो स्थानमा चित्रकलामा छात्रा र हिसाब दौडमा छात्रा रहेका छन् भने तेस्रो स्थानमा वक्तृत्वकलामा छात्र तथा गायनमा छात्राले स्थान प्राप्त गरेका छन्।
प्रतियोगितामा विद्यालयले ६ स्वर्ण (गोल्ड), २ कास्य र २ रजत पदक जित्दै समग्रतर्फ प्रथम स्थान हासिल गर्न सफल भएको हो।
विद्यालय प्रशासनले विद्यार्थीहरूको निरन्तर मेहनत, शिक्षकहरूको मार्गदर्शन र अभिभावकको सहयोगका कारण यो उपलब्धि हासिल भएको प्रतिक्रिया दिएको छ। कार्यक्रमले विद्यार्थीहरूको प्रतिभा पहिचान र सर्वाङ्गीण विकासमा सहयोग पुगेको विद्यालयको भनाइ छ
