क्रान्ति केन्द्र सम्वाददाता
राजविराज। सप्तरीमा तीन साता अघि गाँजा कारोबारको आरोपमा पक्राउ परेको जोगानन्द मंडल (बुधन)को भाइ अखिलेश मंडल भारतमा पक्राउ परेको छ।
नेपालबाट कारमा लोड गरि भारत गाँजा लैजाँदै गर्दा भारतको बिहार राज्यको भीमनगर थाना प्रहरीले उनलाई पक्राउ गरेको भारतीय सञ्चार माध्यम कोशी दर्पणले उल्लेख गरेको छ।
उनीसहित कारोबारमा संलग्न दुई जनालाई अझै भारतीय प्रहरीले नियन्त्रणमा लिएको छ।
कारमा लोड १ सय ८२ किलो गाँजासहित उनीहरूलाई पक्राउ गरेर कारवाहीको लागि पठाइएको छ।
अखिलेशको दाइ बुधनलाई सप्तरी प्रहरीले गाँजा कारोबारमा संलग्नता तथा अन्य अपराधमा अदालतले तोकेको सजाय भुक्तान गर्न पकाउ गरेको छ। बुधनलाई प्रहरीले पक्राउ गरेपछि अखिलेशले प्रहरीले आफुहरू गाँजा तस्कर नरहेको र प्रहरीले पटकपटक आफुहरुसँग पैसा माग्ने गरेको समाजिक संजालमा भिडियो भाइरल बनेको थियो। त्यसको एक महिना नवित्दै उनी भारतमा गाँजासहित पक्राउ परेको छ।
