क्रान्ति केन्द्र सम्वाददाता
राजविराज। सप्तरीको डाक्नेश्वरी नगरपालिका -१० वनौलाका मोहम्मद नजिवुला मियाँ ठगीमा परेका छन्। उनको १५ लाख रूपैयाँ आफ्नै साथीले ठगेर फरार भएको बिहिबार राजविराजमा पत्रकार सम्मेलन गर्दै उनको आमाबुबाले बताएका हुन।
सात बर्षदेखि साउदीमा काम गरिरहेका
उनले व्यपार गर्ने उद्देश्यले बचत गर्दै आएका थिए। तर बचत गरिएको पैसा उनकै गाउँको एकदमै मिल्ने साथी मोहम्मद रोजित मियाले ठगी गरेर फरार भए।
नजिबुलाले जिल्ला प्रहरी कार्यालयमा यसको निवेदन समेत दिए। तर हालसम्म रोजित फरार नै रहेको छ।
‘रोजितले ससुरालीमा जग्गा किन्छु भन्दै भन्दै १२ लाख रूपैयाँ सहयोग मागेको थियो।,’ नजिबुलाको बुबा इसलामले पत्रकार सम्मेलनमा भने, ‘तर अहिले माग्न जाँदा रोजित भेट्दैन, फरार भएछ।’
यसअघि पनि रोजितले पटकपटक गरि ३ लाख रूपैयाँ बैंक मार्फत लिएको नजिबुलाको भनाई छ।
पैसा लिएर साउदीबाट नेपाल आएका रोजिद अहिले सम्पर्क बिहिन बनेका छन्।उनीसँग पैसा खोज्दा रोजिद सम्पर्कमा आइरहेको छैन्। उनको परिवारले पनि रोजिदको जानकारी नरहेको बताउँछन्। नजिबुलको परिवारले जिल्ला प्रहरीमा उजुरी दिएपनि हालसम्म रोजित पक्राउ परेको छैन्।
रोजितलाई फोन सम्पर्क गर्दा उनीसँग सम्पर्क हुन सकेन्।
