प्रवेश मिश्र
राजविराज। सप्तरीमा डाक्टरको पुर्जा बिनै गर्भपतनको औषधि दिने गरेको देखिएको छ। जिल्लाका गाउँदेखि सहरसम्मको बिभिन्न मेडिकल पसलमा बच्चा खसाउने औषधि दिने गरेको हो।
असाध्यै पेट दुखिरहेको र रगत पनि बगिरहेको समस्या लिएर फागुन २९ गते सप्तरीकी एक महिला गजेन्द्रनारायण सिंह अस्पताल राजविराज पुगेको घटनाले यसलाई थप स्पष्ट पारेको छ।
चौथौ पटक गर्भधारण भएको उनले डाक्टरको सल्लाह बिनै मेडिकल पसलमा किनेर थाहा औषधि खाएकी थिइन्। उनको उपचारमा संलग्न डाक्टरको अनुसार डाक्टरलाई नहेराए औषधि खाएकोले उनलाई थप जटिलता भएको थियो।
‘उनले जचाएको भए बच्चा अवस्था बुझिन्थ्यो र डाक्टरले आवश्यकता अनुसार उपचार गर्थ्यो,’ डाक्टरले भने, ‘ उनको पाठेघरमा नभए अण्ड बाहिनि नलीमा बच्चा थियो, औषधि खाएर झन जटिलता बढ्यो ज्यानै जाने अवस्था आयो।’
उनको समयमा अप्रेसन भएर ज्यान जोगेको डाक्टरले बताए।
स्थानीय मेडिकल व्यवसायीका अनुसार उक्त औषधि भारतबाट सस्तोमा तस्करी गरि ल्याएर यहाँ चर्को मुल्यमा बिक्री गर्ने गरिन्छ। ‘भारतबाट एक सयमा ल्याएको औषधि यता ग्राहकको आवश्यकता र अवस्था हेरेर चर्को मुल्य लिन्छ,’ उनले भने, ‘एक औषधिको एक हजार पनि लिन्छ।’
