क्रान्ति केन्द्र सम्वाददाता
राजविराज। अत्याधिक चिसो छल्न डिभिजन वन कार्यालय सप्तरीले नि:शुल्क दाउरा वितरण गरेको छ।
शुक्रबारबाट वितरण सुरू गरेको कार्यालयले आइतबारसम्म ३० ट्रयाक्टर दाउरा वितरण गरेको हो।
सप्तरीका सबै स्थानीय तहका भीडभाड हुने ठाउँमा दाउरा वितरण गरिएको डिभिजन वन कार्यालय सप्तरीका प्रमुख सुभाषचन्द्र दासले जानकारी दिए।
‘विपिन्न बस्तीमा, मठ मन्दिर र चौकमा खासगरी दाउरा राखेका छौँ,’ उनले भने, ‘चिसो अत्यधिक बढेको आगो बालेर केही सहजता हुन्छ।’
उनले जाडो कम नभएसम्म आवश्यकता अनुसार निरन्तर दाउरा वितरण गरिने बताए।
पछिल्लो एक हप्ता यता सप्तरी लगायतका तराई भेगमा चिसो अत्यधिक बढेको छ। चिसोले जिवन कष्टकर बनिरहेको छ। न्यानो लुगा अभावमा विपन्न बस्तीमा समस्या भइरहँदा दाउरले केही सहजता हुने स्थानीय बताउँछन्।
