क्रान्ति केन्द्र सम्वाददाता
राजविराज । महिला बालबालिका तथा जेष्ठ नागरिक मन्त्री नवल किशोर साहले शिक्षाबिना मुलुकको विकास सम्भव नरहेको बताएका छन्।
हनुमाननगर कंकालिनी र कंचनरुप नगरपालिकामा तीन वटा विद्यालयको थप कक्षा कोठा भवनको शनिबार शिलान्यास गर्दै मन्त्री साहले पछाडि पारिएको वर्गलाई शिक्षित गर्नुपर्ने बताए ।
कंचनरुप नगरपालिकास्थित सर्वोदय उच्च माध्यमिक र आधारभुत विद्यालय तथा हनुमाननगर कंकालिनी नगरपालिकास्थित माध्यमिक विद्यालय मधवापुरमा विद्यालयको थप कक्षा कोठाका लागि भवन शिलान्यास गरेका हुन् । कक्षा कोठाको अभावमा बालबालिकाले समस्या भोग्नु नपरोस ॐ उद्देश्यका साथ पाँच वटा विद्यालयमा कक्षा कोठा बिस्तारका लागि एक/एक करोड गरि पाँच करोड रुँपैया बजेट ब्यवस्थापन गरेको बताए।
५ सय परिवारलाई कम्बल वितरण
अत्याधिक चिसोका कारण समस्यामा परेका हनुमाननगर कंकालिनी नगरपालिका-४ मधवापुरका चिसो पीडित विपन्न समुदायलाई मन्त्री साहले ५ सय थान कम्बल बितरण समेत गरेका छन् । कम्बल वितरण गर्दै मन्त्री साहले आफु जनताको सेवा गर्न राजनीतिमा आएकोले सदैव जनताको दुखमा साथ रहने बताए।
शिलान्यास तथा कम्बल बितरण कार्यक्रममा पूर्वसांसद नागेन्द्र झा, हनुमाननगर कंकालिनी नगरपालिकाका पूर्व मेयर शैलेश साह, प्रधानाध्यापक प्रमोद कुमार यादव, राजेश्वर प्रसाद साह, वडाअध्यक्ष गुलटेन चौधरी, मेहदी हसन, दामोदर खडगा, महिला नेतृ सरितादेवी यादव, अनुराधा साह, जसपा नेता भोला पासवान, चित्ररन्जन यादव लगायतको समेत उपस्थिति रहेको थियो ।
