क्रान्ति केन्द्र सम्वाददाता
राजविराज । यही कार्तिक ९ गतेदेखि राजविराजमा हुने राजविराज महोत्सव २०८१मा विभिन्न संघसंगठनहरूले समर्थन जनाएको छ ।
शनिबार संयुक्त विज्ञप्ति जारी गर्दै उनीहरुले महोत्सव सफल पार्न सरोकारवालालाई आग्रह समेत गरेका छन् ।
समर्थनको लागि जारी संयुक्त प्रेस विज्ञप्तीमा राष्ट्रिय युवा संघ नेपाल, सप्तरीका जिल्ला इन्चार्ज चितरन्जन यादव, अनेरास्ववियु अध्यक्ष रंजिव कुमार साह, नेपाल तरूण दल सप्तरीका अध्यक्ष अर्जुन यादव, नेपाल विद्यार्थी संघ सप्तरी अध्यक्ष राकेश ठाकुर र अखिल क्रान्तिकारी सप्तरीका अध्यक्ष कौशल साह, महेन्द्र विन्देश्वरी बहुमुखी क्याम्पसका स्वतन्त्र विद्यार्थी युनियन सचिव सुनिल मंडल र विद्यार्थी जनमत संघ अध्यक्ष रामभजन मंडल हस्ताक्षर गरेका छन् ।
त्यस्तै आम जनता पार्टीका केन्द्रीय सदस्य सुनिल राज दास, जसपा नेपालका नगर उपाध्यक्ष मो.सन्ना उदिन, रास्वपा नगर सभापति खेलानन्द दास, समाजवादी विद्यार्थी युनियन नेपाल केन्द्रीय सदस्य श्याम कुमार यादव र नेविसंघ केन्द्रीय सदस्य आदित्य कुमार दासको हस्ताक्षर छ ।
राजविराजमा ९ गतेदेखि २६ गतेसम्म हुने यस महोत्सवमा विभिन्न झुला, साँस्कृतिक कार्यक्रम तथा प्रदर्शनी रहेको छ ।
