विपिन यादव
राजविराज । सप्तरीको रूपनी गाउँपालिकास्थित कन्छु नरप्रताप माध्यमिक विद्यालय नकटी रायपुरमा विद्यार्थीद्वारा निर्मित शैक्षिक सामाग्री प्रदर्शन गरिएको छ ।
विद्यालयकाको आयोजना तथा रूपनी गाउँपालिका वडा नं १को सौजन्यमा बुधबार सामग्री प्रदर्शन, पुरस्कार वितरण तथा दशैँको शुभकामना आदानप्रदान कार्यक्रम गरिएको हो ।
कार्यक्रममा बालविकासदेखि कक्षा १० सम्मका विद्यार्थीहरूले शैक्षिक सामाग्री प्रदर्शन गरेको विद्यालय ब्यवस्थापन समितिका अध्यक्ष दुर्गानन्द ठाकुरले जानकारी दिए । प्रदर्शनीमा उत्कृष्ट प्रत्येक कक्षागत तीन/तीम जनालाई पुरस्कार वितरण गरिएको उनले बताए।
कार्यक्रममा विभिन्न साँस्कृतिक प्रदर्शनी समेत गरिएको थियो ।
कार्यक्रममा पालिका अध्यक्ष दिनेश यादव, वडाध्यक्ष, स्थानीय नेता तथा शिक्षकहरूको उपस्थिति रहेको थियो ।
