क्रान्ति केन्द्र सम्वाददाता
राजविराज । राष्ट्रिय स्वतन्त्र पार्टी (रास्वपा) का सभापति तथा प्रतिनिधि सभा सांसद रवि लामिछानेले असोज १८ गते चितवनमा सार्वजनिक सुनुवाइ गर्ने भएका छन्।
आफूले गरेका हरेक कामको हिसाबकिताब आफ्ना मतदातालाई बुझाउने परम्पराको निरन्तरता दिन असोज १८ गते आफ्नो तेस्रो सार्वजनिक सुनवाइ गर्न इच्छाकामना, चितवन जाने उनले जानकारी दिएका छन्।
‘सबै मतदातालाई आफ्ना प्रश्नसहित यस कार्यक्रममा उपस्थित हुन अनुरोध गर्दछु’, उनले फेसबुकमा लेखेका छन्, ‘साथै, जनसरोकारको विषयमा गरिएको र राज्य र समाजका सबै सरोकारवाला सहभागी हुने भएकाले यो कार्यक्रममा पार्टीको झन्डा, ब्यानर, लोगो वा पोसाक नलगाइदिनु हुन अनुरोध छ।’
उनी गत प्रतिनिधि सभा निर्वाचनमा चितवनबाट निर्वाचित भएका हुन् ।
