क्रान्ति केन्द्र सम्वाददाता
राजविराज । महेन्द्र विन्देश्वरी बहुमुखी क्याम्पस राजविराजमा स्वतन्त्र विद्यार्थी युनियनको आयोजनामा वक्तृत्वकला प्रतियोगिता गरिएको छ ।
सोमबार आयोजना गरिएको जितिया पर्व, विजयादशमी तथा छठ पर्वको शुभकामना आदानप्रदान कार्यक्रममा ‘युवाहरुको वैदेशिक यात्रा रहर की बाध्यता?’ बिषयक वक्तृत्वकला प्रतियोगिता आयोजना गरियो ।
प्रतियोगितामा बिबिएस प्रथम बर्षमा अध्यनरत अर्चना कुमारी यादव प्रथम भएकी स्ववियु सभापति रंजित यादवले जानकारी दिए । त्यस्तै, बिएड दोस्रो बर्षमा अध्ययनरत मिथिलेश कुमार मण्डल दोस्रो, बिए प्रथम बर्षमा अध्यनरत निरज कुमार शाह तेस्रो, बिएससी दोस्रो बर्षमा अध्यनरत देवीमाया कुमारी चौधरी चौथौ भएको उनले बताए ।
यी चार जनलाई प्रमाणपत्रसहित नगद राशी पुरस्कार समेत प्रदान गरिएको छ ।
प्रतियोगितामा क्याम्पसका ३१ जना विद्यार्थीहरूके सहभागिता रहेको जनाइएको छ । अन्य सहभागीलाई मायाको चिनो सहित प्रशंसापत्र प्रदान गरिएको छ ।
सभापति रंजितको अध्यक्षतामा गरिको कार्यक्रममा क्याम्पस प्रमुख राजिव मिश्र प्रमुख आतिथि र विद्यार्थी कल्याण प्रमुख उमेश कुमार यादव विशिष्ट अतिथि रहेका थिए ।
मानवीकी संकाय तर्फका सहायक क्याम्पस प्रमुखउमेश कुमार यादव, विज्ञान संकाय तर्फका सहायक क्याम्पस प्रमुख सुरेश शाह, सहायक क्याम्पस प्रमुख रामअषिश यादव, प्राध्यापक यसवन्त झा, प्राध्यापक दिल्लीराज खतिवडा र त्यसैगरी कर्मचारी संघका सभापति शम्भु यादव, परीक्षा शाखा प्रमुख चन्देश्वर यादव, प्रशासन प्रमुख रविन्द्र झा,लेखा प्रमुख विवेकानन्द मिश्र, प्राध्यापक संघका सभापति पुष्पेन्द्र झा, परीक्षा शाखाका कर्मचारी रवि राय र निर्मल न्यौपाने, कर्मचारी संघका सचिव लवकुमार विश्वास,अखिल क्रान्तिकारीका केन्द्रीय सदस्य बसन्त यादवले कार्यक्रममा आफनो मन्तव्य राखे ।
कोषाध्यक्ष मेनुका शाह,सदस्य विनय यादव ,प्रकाश यादव ,राकेश यादव, कञ्चनकुमारी ठाकुर, प्रतीक्षा कुमारी यादव र नन्दन मण्डलको उपस्थितिमा गरिएको कार्यक्रमको सञ्चालन स्ववियु सदस्य अनिल यादवद्वारा गरिएको थियो।
