क्रान्ति केन्द्र सम्वाददाता
राजविराज । पूर्वपश्चिम राजमार्ग अन्तर्गत सप्तरीको हनुमाननगर कंकालिनी नगरपालिका- १ स्थित कोशी बाँधमा गाडी दुर्घटना हुँदा तीनजना घाइते भएको छ। पश्चिमबाट पुर्वतर्फ जाँदै गरेको बा २६ प ६४०१ नम्बरको मोटरसाइकल र विपरित दिशाबाट आउँदै गरेको प्र-१०२-००३ ह ३५२१ नम्बरको सिटी एक आपसमा ठोक्किदा दुर्घटना भएको हो ।
दुर्घटनामा मोटरसाइकल चालक हनुमाननगर कंकालिनी नगरपालिका -१ भारदहका२१ बर्षीय लक्ष्मण पैकरा र सोही मोटरसाइकलको पछाडि सावार १९ बर्षीया काजल मेहता गम्भीर घाइते भएको प्रहरीले जनाएको छ ।
दुर्घटनामा सुनसरी कोशी गाउँपालिका ८ का सिटी चालक बर्ष २० का संतोष कामैत सामान्य घाइते भएका छन् ।
मोटरसाइकलमा सवार घाइते दुबैजनालाई स्थानीयको सहयोगमा प्रहरीले उद्वार गरी उपचारको लागि अस्पताल पठाएको स्थानीयले बताएका छन् ।
सिटी चालकलाई प्रहरी कार्यालय भारदहको नियन्त्रणमा राखी आवश्यक कारबाही अगाडी बढाइएको प्रहरीले जनाएको छ ।
