क्रान्ति केन्द्र सम्वाददाता
राजविराज ।पूर्व राष्ट्रिपति विद्यदेवी भण्डारीको प्रमुख आतिथ्यमा अप्पन बिराटगढ परोपकार समाजद्वारा १३ औं अन्तर्राष्ट्रिय जितिया पर्व समारोह आउँदो असोज ३ गते विराटनगरमा आयोजना हुने भएको छ ।
बिगत १३ बर्ष देखि अप्पन बिराटगढ परोपकार समाजद्वारा अन्तर्राष्ट्रिय जितिया पर्व मनाउँदै आएको अप्पन बिराटनढ परोपकार समाज संस्थाकी अध्यक्ष बसुन्धारा झाले जानकारी दिईन् ।
उक्त कार्यक्रममा नेपालका विभिन्न जिल्ला लगायत भारतबाट समेत विभिन्न ब्यक्तिहरुले उपस्थिति हुने गरेका संस्थाकी अध्यक्ष झाले जानकारी दिईन ।
बिराटनगर महानगरपालिकाका सबै वडाका विभिन्न जातजातिहरुले आफ्नो मौलिक भेष भूषा पहिरनका साथ बृहत कलस शोभा यात्रामा सहभागी हुने, संस्थाकी अध्यक्ष झाले बताईन ।
त्यस्तै, नेपाल लगायत भारतका विभिन्न ख्यातिप्राप्त मैथिल कलाकारहरुले गीत, संगीत नृत्य र झाँकि प्रस्तुत गर्ने उनले बताईन । सो कार्यक्रममा महानगरपालिकाका विभिन्न स्कुलका विद्यार्थीहरुले मनमोहक संस्कृतिक कार्यक्रम गर्ने छन ।
सो अवसरमा मैथिली चित्रकलाको प्रदर्शनी र स्टलहरु समेत राख्ने आयोजना रहेको उनले बताईन । यसका साथ साथै जितिया पर्वको विधि-बिधानबारे संस्कृतिबिज्ञहरुले चर्चा परिचर्चा समेत गर्ने कार्यक्रम रहेको छ । सोही अवसरमा समाज र देशको बिकाशमा विभिन्न क्षेत्रमा महत्वपूर्ण योगदान दिएका समाजिक अभियान्ताहरुलाई सम्मानित गर्ने कार्यक्रम रहेको झाले बताईन ।
आफ्नो भाषा, कला संस्कृति, पर्वत्यौयौहार, सभ्यताको पहिचान, संरक्षण संवर्द्धन र यसको बिकासका लागि कार्यक्रमलाई प्रत्यक्ष तथा परोक्षरुपमा समेत अनलाइन माध्यबाट अबलोकन गर्ने ब्यवस्था रहेको छ ।
यस बर्षको अन्तर्राष्ट्रिय जितिया पर्व समारोहमा ५० हजार भन्दा बढी दर्शकहरु सहभागी हुने अध्यक्ष झाले बताईन ।
