क्रान्ति केन्द्र सम्वाददाता
राजविराज । सांसद रंजु झा ठाकुरले स्वास्थ्य मन्त्रीलाई सप्तरीको राजबिराज नगरपालिका-१० स्थित बिरौलमा बन्न लागेको रामराजा प्रसाद सिंह स्वास्थ्य बिज्ञान प्रतिष्ठनको डिपिआर र ड्राफ्ट विधेयकलाई मन्त्री परिषद बैठकमा पेश गर्न आग्रह गरेकी छिन् ।
सांसद ठाकुरले शुक्रबार स्वास्थ्य तथा जनसंख्या मन्त्री प्रदिप पौडेललाई भेटर प्रतिष्ठानको डिपिआर र ड्राफ्ट सोमबारकै मन्त्री परिषदमै पेश गर्न आग्रह गरेकी हुन ।
त्यस्तै, सासंद ठाकुरले स्वास्थ्य मन्त्री पौडेललाई भेटेर एक अर्बको बजेट बिनियोजन हुनुपर्ने ठाउँमा ५० करोड मात्रै भएको बारे समेत ध्यानाकर्षण गरेकी थिईन । जवाफमा स्वास्थ्य मन्त्री पौडेलले यस बर्षको बजेट पारित भईसकेको अर्को बर्षको बजेटमा हामी ध्यानमा राखी बजेट बिनियोजन गर्ने प्रतिबद्धता ब्यक्त गरेको सांसद ठाकुरले बताईन ।
एक प्रदेश एक स्वास्थ्य विज्ञान प्रतिष्ठान निर्माण गर्ने नीति अनुसार २०७५ साल पुष १६ गते मन्त्री परिषदको बैठकले मधेश प्रदेशको राजविराजमा रामराजा प्रसाद सिंह स्वास्थ्य विज्ञान प्रतिष्ठान निर्माण गर्ने निर्णय गरेको थियो । यसका लागी २०७८ जेठ २१ गतेको मन्त्री परिषद् बैठकले प्रतिष्ठान निर्माण गर्न राजविराज नगरपालिका १० विरौलस्थित ६२ बिघा जग्गा प्रतिष्ठानका नाममा ३० वर्षका लागी लिजमा दिने निर्णय गरेको थियो ।
जग्गाको टुङ्गो लागेपछि २०७८ असार २२ गते तत्कालिन प्रधानमन्त्री केपी शर्मा ओलीले प्रतिष्ठानको भवन निर्माण कार्यको भर्चुअल माध्यमबाट शिलान्यास गरेका थिए । तर ३ बर्ष भन्दा भढी वितिसक्दा पनि भवनको त कुरै भएन, एउटा ईट्टा सम्म नहालिएको स्थानीयको भनाई छ ।
त्यसपछि गत असोजमा स्थानीयहरुले स्वास्थ्य विज्ञान प्रतिष्ठान शिलान्यास भएको २५ महिना बितिसक्दा काम अघि बढ्न नसकेको भन्दै अनिश्चितकालिन रिले अनशन सुरु समेत गरेका थिए ।
त्यसपछि गत चैतमा मन्त्रीपरिषदको बैठकबाट प्रतिष्ठान पूर्वाधार तयारी विकास समितिको अध्यक्षमा डा. पशुपति चौधरीलाई नियुक्त थिए ।
कुल ११ अर्ब ९८ करोड रुँपैयाको लागतमा निर्माण हुने प्रतिष्ठानको काम ५ वर्षभित्र सम्पन्न हुने भनेको थियो ।
