राजु शर्मा
राजविराज । सप्तरीको हनुमाननगरमा आन्दोलनकारीहरूले बजार बन्दसँगै सडक अवरुद्ध गरेका छन् ।
भारदह-राजविराज सडक खण्डमा हनुमाननगर कंकालिनी नगरपालिका-५ योगिनियामा बसको ठक्करबाट एक युवकको बिहिबार मृत्यु भएपछि उनीहरूले आन्दोलन गर्दै सडक अवरुद्ध गरेका हुन्।
दोषीलाई कानुनी कारवाही, मृतक परिवारलाई क्षतिपूर्तिको माग गर्दै उनीहरुले आन्दोलन गरिरहेको छ ।
भारदहबाट राजविराजतर्फ आउँदै गरेको को ३० प ८१०९ नम्बरको मोटरसाइकललाई सोही दिशाबाट आउँदै गरेको को १ ख ४०४६ नम्बरको बसले पछाडिबाट ठक्कर दिएको थियो ।
ठक्करबाट मोटरसाइकल चालक हनुमाननगर कंकालिनी-७ का २२ वर्षीय ध्रुप मण्डल गम्भीर घाइते भएका थियो । उपचारका लागि गजेन्द्र नारायण सिंह अस्पताल राजविराज ल्याएका उनलाई चिकित्सकले मृत घोषणा गरेको थियो । प्रहरीले गाडी र चालकलाई नियन्त्रणमा लिएको जनाएको छ ।
घटनाको विरोधमा स्थानीय बासिन्दाहरू बिहीबार साँझ देखि नै विरोध गरेका छन् ।
