राजु शर्मा
राजविराज । सप्तरीको हनुमाननगर कंकालिनी नगरपालिका-१ स्थित कोशी व्यारेजबाट प्रहरीले अबैध गाँजा बरामद गरेको छ। ब्यारेज स्थित गोलघर नजिक कोशी नदीको किनारबाट प्रहरीले मंगलबार राति १ सय १५ किलो लागूऔषध गाँजा नियन्त्रणमा लिएको हो ।
कोशी नदीको किनारमा बेवारिसे अवस्थामा काठको डुङ्गामा लोड गरी राखेको ८ वटा बोरामा रहेको १ सय १५ किलो गाँजा बरामद भएको जिल्ला प्रहरी कार्यालय सप्तरीले जनाएको छ । यद्यपी प्रहरी यसमा संलग्न मानिसलाई पक्राउ गर्न सकेको छैन् ।
बरामद भएको गाँजा बारे थप अनुसन्धान भइरहेको सप्तरी प्रहरीले जनाएको छ ।
