क्रान्ति केन्द्र सम्वाददाता
राजविराज । सप्तरीस्थित दलान युवा क्लबद्वारा संचालित ‘सबैको लागि सूचना’ अभियान अन्तर्गत बुधबार तिलाठी कोइलाडी गाउँपालिका -५मा क्युआर कोड हस्तान्तरण गरिएको छ ।
युवा क्लबका अध्यक्ष त्रिवेणी कुमार यादवले वडा नं ५ का वडाअध्यक्ष ललन प्रसाद राउत ज्युलाई व्हाटस्याप सूचना समूह को क्युआर कोड हस्तान्तरण गरेका हुन् ।
दलान युवा क्लब सप्तरीले सुचना सम्बन्धी अभियान चलाउँदै छ । जसमा दलान युवा क्लबले सम्न्बय गरि पालिका तथा वडामा व्हाट्यासप ग्रुपकप एक क्युआर कोड दिने गर्छन्। जसलाई सक्यान गरेर त्यसमा जुडन सकिन्छ र पालिका तथा वडाले उक्त ग्रुपमा राखेको सुचना सहजै नागरिकलाई प्राप्त हुनेछ ।
क्लबका अध्यक्ष त्रिवेणी यादवले विस्तारै यो सेवा सप्तरीको अठारहै पालिका तथा सरकारी कार्यालयमा लैजाने बताए ।
समन्वय गरेर सार्वजनिक सुचना सहजै आमनागरिकसम्म पुगाउने प्रयास गरेको बताए ।
उनले भने, ‘लोकतन्त्रको मेरूदण्ड पार्दशिता हो, र हामीले पारदर्शिताको लागि सहज सुचनाको प्रबन्ध मिलाउन खोजेको हौँ ।’
उनले सबै पालिका तथा सरकारी कार्यालयलाई त्यस क्युआर कोड मार्फत सुचना राख्न आग्रह गर्ने गरेको बताए ।
