श्रवण वत्स
राजविराज । भारतको बिहार राज्यसँग जोडिएको सप्तरी जिल्लामा केही दिनयता श्रृङ्खलावद्ध रुपमा चोरी डाकाको घटनाको कुरा बाहिर आइरहेको छ ।
सप्तरीको दक्षिण भेगमा भारतको सिमासंग जोडिएको तिलाठी कोईलाडी गाउँपालिका, महादेवा गाउँपालिका, छिन्नमस्ता गाउँपालिका, हनुमाननगर कंकालिनी नगरपालिका र राजगढ गाउँंपालिका लगायतका धेरै पालिकाहरुमा अहिले दिनानुदिन चोरी डाकाको घटनाको हल्ला वृद्धि हुँदै आएको हो।
यसरी भइरहेको घटनाको हल्लाले स्थानीय त्रसित बनेका छन् । घटना सम्बन्धि भिडियोहरु समाजिक संजालमा भाइरल भइरहेको छ ।
अग्निसाइर कृष्णसबरन गाउँपालिका – ०४ टेँगरी टोलमा शनिबार राति १० बजे एउटा चोरलाई स्थानियहरुले समातेको समाजिक संजालमा समेत रहेको छ ।
केही चोर महिलाको भेषभुषा सारी, चुडा र डाढी-जुङ्गा कटाएर महिला जस्तै शृंगारिएको सो भिडियोमा बताएको छ । उनीहरू समुहमै आउन गरेको बताइन्छ । चोरी डाकाको घाटनले गर्दा कतिपय गाउँका युवाहरु आफै एकत्रित भएर रातभरि घरेलु हतियार लठ्ठी, बाँसको भाटा लिएर आफ्ना टोल गाउँमा गस्ती दिदै आएको छ ।
त्यस्तै, सिरहाको विभिन्न स्थानिय निकायहरुमा प्रत्येक दिन चोरी र डाका घटनाको हल्ला समाजिक संजालमा आईरहेको छ ।
स्थानीय सरकारले यसको लागि प्रहरीसँग छलफल समेत गरिरहेको छ ।
यता सप्तरी प्रहरी प्रमुख एसपी गजुसिद्दि बज्राचार्यले त्यस्तो कुनै घटना नभएको दाबी गरेका छन् । उनले यो अपवाह मात्र रहेको बताए ।
उनले भने, ‘सिरहामा घटना भएको बुझिएको छ, सप्तरीमा त्यसको केही भएको छैन्, त्यही आधारमा अपवाह मात्र फैलाइएको हो ।’
