क्रान्ति केन्द्र सम्वाददाता
राजविराज । राष्ट्रपति रामचन्द्र पौडेल सप्तरी आइरहेका छन् । छिन्नमस्ता गाउँपालिकाका अध्यक्ष विद्यानन्द चौधरीको बिशेष आग्रहमा उनी मंगलबार सखडा आउन लागेका हुन् ।
मंगलबार(भोलि) बिहान ७:३० बजे उनी सप्तरीको प्रसिद्ध शक्तिपीठ छिन्नमस्ता(सखडा) आउन लागेको पालिका अध्यक्ष चौधरीले जानकारी दिए ।
‘राष्ट्रपति ज्यु कमै स्थानमा जानुहुन्छ, उहाँलाई विशेष आग्रह गरेको थिएँ, स्विकार गर्नुभयो हाम्रो लागि गौरवको बिषय हो’, उनले भने, ‘बिहान ८ बजे छिन्नमस्ता भगवतीको दर्शन गर्नुहुन्छ, हामी तयारीमा लागेका छौँ ।’
कार्यक्रममा आम नागरिकको पनि सहज पहुँचको लागि सहभागी हुन पासको व्यवस्था हटाइएको अध्यक्ष चौधरीले जानकारी दिए ।
‘जिल्लाका सुरक्षा निकायका प्रमुख तथा सरोकारवालाहरुसँग छलफल गरेर पासको व्यवस्था यसपाली हटाएको छौँ, आम नागरिकको पनि सहज पहुँचको होस् भने दृष्टिकोणले तयारी गरेको हौँ,’ अध्यक्ष चौधरीले भने ।
यता राष्ट्रपतिको सुरक्षाको लागि आवश्यक तयारी गरिएको प्रमुख जिल्ला अधिकारी किरण थापाले जानकारी दिए ।
