क्रान्ति केन्द्र सम्वाददाता
सप्तरीको राजविराजमा बालविवाह न्यूनीकरणका लागि धर्मगुरु तथा सरोकारवालासँग अन्तरक्रिया कार्यक्रम गरिएको छ ।
लाइफ नेपालको आयोजना तथा युनिसेफको आर्थिक सहयोगमा उक्त कार्यक्रम गरिएको हो ।
कार्यक्रममा बिभिन्न धर्मका गुरुहरु तथा सरोकारवाला गरि २५ जनाको सहभागिता रहेको लाइफ नेपालकी सप्तरी जिल्ला संयोजक रूबी मिश्रले जानकारी दिइन् ।
कार्यक्रममा बालविवाह सम्बन्धमा राजेश कुमार झाले प्रस्तुती गरेका थिए ।
बाल बिवाहले हुने समस्या, यसको कानुनी व्यवस्था, यसलाई न्युनिकरणमा धर्मगुरुहरुको भुमिका सम्बन्धमा प्रस्तुती गरिएको थियो । सहभागीहरुले पनि आफ्नो सुझाब कार्यक्रममा राखेका थिए ।
