क्रान्ति केन्द्र सम्वाददाता
भारतीय मशहूर गजल गायक पंकज उधासको सोमबार उपचारको क्रममा निधन भएको छ ।
केही दिनदेखी बिरामी रहेको उधास ७२ वर्षको उमेरमा विहान ११ बजे निधन भएको उनकी छोरी नायाब उधासले सोशल मिडिया मार्फत जानकारी दिइन । उनलाई १० दिनअघि मुम्बईको ब्रीच क्यान्डी अस्पतालमा भर्ना गरिएको थियो ।
पंकज उधास सञ्जय दत्तको फिल्म ‘नाम’ मा चर्चित गजल ‘चिठ्ठी आई है’ को समयमा पर्दामा देखा परेका थिए । सन् २००६ मा पंकज उधास पद्यमश्री पुरस्कारबाट सम्मानित भएका थिए ।
पंकज उदासको जन्म गुजरातको जेतपुरमा भएको थियो । उनी तीन दाजुभाइमध्ये कान्छो थिए । पंकज बाहेक दुबै दाईले पनि गायनमा राम्रो नाम कमाए ।
भोली (मंगलबार) उनको अन्तिम संस्कार हुन्छ ।
