क्रान्ति केन्द्र सम्वाददाता
राजविराज । सुनसरी जिल्लाको बराहक्षेत्र नगरपालिका–१ चतराबाट आइतबार गाँजा लोड रहेको एम्बुलेन्स सशस्त्र प्रहरीले नियन्त्रणमा लिएको छ ।
चतराबाट सुर्यकुण्ड जाने भित्री सडकखण्डमा को १ च २९३७ नम्बरको एम्बुलेन्स शंकास्पद अवस्थामा रोकी राखेको थियो । एम्बुलेन्सलाई चेकजाँच गर्दा भित्र ९ वटा पोकामा रहेको २सय ७३किलो १३०ग्राम गाँजा सुरक्षा बेश चतराले नियन्त्रणमा लिएको हो ।
बरामद गाँजा तथा एम्बुलेन्स आवश्यक कारवाहीको लागि ईलाका प्रहरी कार्यालय महेन्द्रनगर चक्रघट्टीमा बुझाईएको जनाइएको छ ।
