क्रान्ति केन्द्र सम्वाददाता
राजविराज । सप्तरीको तिलाठी कोइलाडी गाउँपालिका-१,तिलाठीमा शाहिद साकेत चन्द्र मिश्र स्मृति कुस्ती(दगंल) प्रतियोगिता सुरू भएकाे छ ।
तिलाठीको पाठशाला प्रागंणमा शुक्रबारबाट सुरु भएको कुस्ती तीन दिन सम्म चल्नेछ ।खेल प्रत्येक दिन दिउँसो १ बजेबाट हुनेछ ।
आइतबार कुस्तीको फाइनल खेल हुने रहेको समितिले जनाएको छ । प्रतियोगितामा नेपाल तथा भारतको २० जोडी पहलवानले प्रतिस्पर्धा गर्नेछन् ।
तिलाठीमा प्रत्येक वर्ष सरस्वती पूजाको अवसरमा पाँच दिने मेला आयोजना हुने गर्छ । जसमा कुस्ती कार्यक्रम, जिल्ला स्तरीय नृत्य, रात्रीकालिन नाटक तथा सांस्कृतिक कार्यक्रमहरू आयोजना हुने गर्छ।
