क्रान्ति केन्द्र सम्वाददाता
राजविराज । सप्तरीको तिलाठी कोइलाडी गाउँपालिका वडा नं १ तिलाठीमा सरस्वती पूजाको अवसरमा पाँच दिने पुजा तथा मेला आयोजना हुन लागेको छ ।
त्यसै सन्दर्भमा सो वडाका वडाध्यक्ष दिनेश्वर मिश्रले सुचना जारी गर्दै सरस्वती पूजा अवधिभरि मदिरा बिक्री वितरण तथा सेवन नगर्न आग्रह गरेको छ ।
सोमबार सुचना जारी गर्दै उनले पुजामा सहभागी हुन सम्पुर्ण ग्रामबासी, जिल्लाबासी, देशवासी तथा विदेशमा रह्नु भएका श्रद्धालु भक्तजनमा आग्रह गरेको छ ।
मदिरा सेवनले अनियन्त्रित भइ मेलामा होहल्ला हुने गरेकोले उक्त कार्य नगर्न आग्रह गरेको वडाध्यक्ष मिश्रले बताए । ‘मेलामा अत्यन्तै भीड हुन्छ, बाहिरवाट पाहुनाहरु आएका हुन्छन्, होहल्ला हुँदा मेला अव्यवस्थित हुन्छ,’ उनले भने, ‘यसले एकदमै नराम्रो संदेश जान्छ, त्यसैले पुजा अवधिभरि मदिरा सेवन, बिक्रि बितरण नगर्न आग्रह गर्दछौँ, मेलालाई व्यवस्थित ढंगले संचालन गर्न सबैको सहयोग आवश्यक छ ।’
