क्रान्ति केन्द्र सम्वाददाता
राजविराज । सप्तरीको तिलाठी कोइलाडी गाउँपालिका-१ तिलाठीमा हुने पाँच दिवसीय सरस्वती पुजाको तयारी अन्तिम चरणमा पुगेको छ ।
पुजाको लागि मुर्ती तयारी, मन्दिर तथा मेलाको सजावट अन्तिम चरणमा पुगेको छ ।
पाँच दिवसीय रात्रीकालिन तथा दिवा कार्यक्रम समेत तय भइसकेको तिलाठी पुजनोत्सव तथा मेला समितिले जनाएको छ ।
पुजाको सुरु दिन २ गतेदेखि ५ गतेसम्म स्थानीय कलाकारद्वारा नाटक मंचन तथा पेशागत कलाकारद्वारा नृत्य प्रस्तुति कार्यक्रम तय गरिएको समितिले जनाएको छ । त्यस्तै ६ गते रात्री मिथिला रत्न कुञ्ज बिहारी मिश्र नेतृत्वको टोलीले प्रस्तुती गर्नेछ ।
दिवा कार्यक्रममा पुजाको दोस्रो दिन ३ गते जिल्ला स्तरीय खुला नृत्य प्रतियोगिता हुने समितिले जनाएको छ । समितिको अनुसार त्यस्तै ४, ५ र ६ गते अन्तरराष्ट्रिय कुस्ती प्रतियोगिता हुने जनाएको छ।
समितिले पुजा तथा मेलामा सहभागी भइ सफल बनाउन सबैलाई आग्रह गरेको छ ।
