क्रान्ति केन्द्र सम्वाददाता
राजविराज । राजविराजस्थित सप्तरी जिल्ला कारागारमा रहेका एकजना कैदी आइतबार बिहान झुन्डिएको अवस्थामा मृत फेला परेका छन् ।
जबरजस्ती करणी मुद्दामा पुर्पक्षका लागि कारागारमा रहेका हनुमाननगर कंकालिनी नगरपालिका-६ का १९ वर्षीय देवेन्द्र मण्डल मृत फेला परेका हुन् ।
कारागारको शौचालयमा गम्छाको पासो लगाइ झुन्डिएको अवस्थामा मण्डल फेला परेको सप्तरी प्रहरी प्रमुख एसपी गुजु सिद्धिबज्राचार्यले जानकारी दिनुभयो ।
जबरजस्ती करणी मुद्दामा उनी २०८० भदौ ११ गतेदेखि पुर्पक्षका लागि कारागार चलान भएका थिए ।
