क्रान्ति केन्द्र सम्वाददाता
राजविराज । सप्तरीको तिलाठी काेइलाडी गाउँपालिका- ७मा श्री लक्ष्मी वलल्भ नरसिंह उच्च माध्यमिक विद्यालय वभनगामाकट्टीमा अभिभावकहरूले विद्यालयको आयव्यय सार्वजनिक गर्न माग गरेकाे छ ।
विद्यालयद्वारा बिहिवार व्यवस्थापन समिति गठन गर्न बोलाइएको अभिभावक भेलामा अधिकांश अभिभावकहरूले विद्यालयमा हुने शैक्षिक गतिविधि तथा बार्षिक आयव्यय सार्वजनिक नगरिए व्यवस्थापन समिति गठन हुन नदिने अवाज उठाएका छन् ।
विद्यालयकाे रूटिन, छात्रबृति, दिवाखाजा, चलअचल सम्बन्धी, खेलमैदान, कक्षा ११ र १२ कक्षाकाे संचालनमा विद्यार्थीसँग व्यापक शुल्क असुल गरेकाे, आर्थिक काराेवार, सार्वजनिक सम्पति, भेटनरी, शिक्षक नियुक्ती गर्नमा अनियमितता र पारदर्शिता नहुदाँ बिधालयमा बेथिति बढदै गएकाे विद्यालयका भुपु विद्यार्थी बिनय प्रताप सिँह (गुडु) ले आराेप लगाएकाे छ ।
उनीहरूले विद्यालयमा संचालन हुने दिवा खाजा कार्यक्रममा अनियमितता गरेकाे र लाखाै रूपैया हिनामिना गरेकाे आराेप लगाएकाे छ ।
विद्यालयकि चलअचल सम्पत्ति सार्वजनिक गर्न माग समेत गरेका छन ।
विद्यालय प्रशासनले शैक्षिक वातावरण सुधार गर्नुकाे सट्टा उल्टै बिगारेकाे अभिभावकहरूकाे आराेप छ ।
विद्यालयका प्राधानाध्यापक र केही शिक्षकहरूकाे मिलाेमताे कारण विद्यालयको शैक्षिक वातावरण बिग्रेको अभिभावक जिवछ यादवको आरोप छ ।
उक्त भेलामा तिलाठीकाेईलाडी गाउँपालिका ७ का वडा अध्यक्ष हरि नारायण मण्डल, पालिका शिक्षा संयाेजक चन्द्र भूषण राय, विद्यालय निरिक्षक कृष्ण कुमार यादब, विद्यालका प्राधानाध्यापक बिपिन झा लगायत सयौँ अभिभावकहरूकाे उपस्थिति रहेकाे थियाे ।
