क्रान्ति केन्द्र सम्वाददाता
राजविराज । सप्तरीमा हरिण शिकार गरेका एक जना पक्राउ परेको छ ।
हनुमाननगर कंकालिनी नगरपालिका -२ कोशी बाँधछेउबाट शुक्रबार बिहान प्रहरीले ३५ केजी मृग(हरिण)को मासुसहित राजविराज नगरपालिका -५का शैलेश कुमार झालाई पक्राउ गरेको छ ।
उनको साथबाट प्रहरीले एक राइफल र ४१ राउण्ड गोली नियन्त्रणमा लिएको हो।
जनावरको शिकार भइरहेको सुचना आधारमा खटिएको प्रहरी टोलीले दुईवटा बोरामा राखिएको हरिणको मासुसहित पक्राउ गरेका झालाई आवश्यक कारबाहीको लागि जिल्ला डिभिजन बन कार्यालय राजविराज सप्तरीमा पठाईएको डिएसपी ढुण्डीराज नेउपानेले जानकारी दिए ।
