क्रान्ति केन्द्र सम्वाददाता
राजविराज । जनमत पार्टीको विरोधका बिच जसपाका अध्यक्ष उपेन्द्र यादवले राजविराज -१३मा मधेश कृषि विश्वविद्यालयको शिलान्यास गरेका छन् ।
जसपा कार्यकर्ताहरुको बाक्लो उपस्थितीमा उनले सोमबार शिलान्यास गरेका छन् ।
जसपा यादवलाई सहभागी गराएर शिलान्यास गर्न लागिएको भन्दै जनमत पार्टी विरोधमा उत्रिएपछि उच्च सुरक्षा व्यवस्था गरिएको थियो । सुरक्षा घेरामा बसेर यादव शिलान्यास स्थलमा पुगेका छन् ।
जनमतका कार्यकर्ताहरु प्रदेस सांसद सतिश सिंहको नेतृत्वमा कार्यक्रमस्थल नजिक प्रदर्शन गरिरहेका छन् । कार्यक्रममा विथोल्न खोजेका जनमत कार्यकर्ता तथा प्रहरीबिच घम्साघम्सी समेत भएको छ ।
