क्रान्ति केन्द्र सम्वाददाता
भारतको अयोध्यामा रामललाको प्राण प्रतिष्ठाका दिन केन्द्र सरकारले आधा दिनको लागि बिदा दिएको छ । केन्द्रीय मन्त्री जितेन्द्र सिंहले सबै केन्द्रीय सरकारी कार्यालयहरु आधा दिन बन्द रहने बताएका छन् ।
अयोध्याको राममन्दिरमा भएको रामललाको पुण्य समारोहमा सहभागी हुन कर्मचारीको चर्को माग गरेपछि केन्द्रले आधा दिनका लागि देशभरका केन्द्रीय सरकारी प्रतिष्ठान बन्द गर्ने निर्णय गरेको केन्द्र सरकारले जनाएको छ ।
कार्मिक, सार्वजनिक गुनासो तथा निवृत्तिभरण मन्त्रालयको कार्मिक तथा तालिम विभागले जारी गरेको सूचना अनुसार देशभरका सबै केन्द्रीय सरकारी कार्यालय, केन्द्रीय संस्थान र केन्द्रीय औद्योगिक प्रतिष्ठानहरू दिउँसो २ः३० बजेसम्मका लागि बन्द रहने जारी सुचनामा उल्लेख छ ।
अयोध्यामा हुने प्राण प्रतिष्ठा समारोहको अवसरमा भारत तथा विदेशमा रहेका संघसंस्था समुहले विभिन्न कार्यक्रमको आयोजना गरेको उल्लेख छ । अयोध्यामा रामललाको प्राण प्रतिष्ठा समारोहमा भारतीय प्रधानमन्त्री नरेन्द्र मोदी आफैं मुख्य आयोजक हुनेछन् ।
राष्ट्रिय प्रसारक दूरदर्शनले सम्पूर्ण कार्यक्रमको प्रत्यक्ष प्रसारणको लागि व्यापक व्यवस्था गरेको छ, जुन धेरै निजी टिभी च्यानलहरूमा पनि प्रत्यक्ष देखाइनेछ । भारत लगायत विभिन्न देशहरुका सार्वजनिक स्थानहरूमा ठूला स्क्रिनमा अयोध्या समारोहको लाइभ स्क्रिनिङको पनि व्यवस्था गरिएको छ ।
उत्तर प्रदेशका मुख्यमन्त्री योगी आदित्यनाथले राम मन्दिर प्राणप्रतिष्ठा समारोहलाई ध्यानमा राख्दै सो दिन उत्तर प्रदेशका शैक्षिक संस्थाहरू बन्द गरिएको छ । सथै त्यो दिन राज्यका सम्पूर्ण मदिरा, माछा र मासु पसलहरू समेत बन्द गर्ने घोषणा गरेको छ ।
त्यस्तै, मध्य प्रदेश, गोवा छत्तीसगढ हरियााणा प्रदेशका मुख्यमन्त्रीहरुले समेत रामलला प्राण प्रतिष्ठा समरोहलाई ध्यानमा राख्दै शैक्षिक संस्था बन्दको साथै त्यो दिनलाई तिहारको रुपमा मनाउन घोषणा गरेको छ ।
