क्रान्ति केन्द्र सम्वाददाता
राजविराज । स्वतन्त्र विद्यार्थी युनियन(स्ववियु)ले महेन्द्र विन्देश्वरी बहुमुखी क्याम्पस, राजविराजमा तालाबन्दी गरेको छ।
बुधबार युनियनका उपाध्यक्ष जयकृष्ण यादव तथा सचिव सुनिल कुमार मंडलले प्रेस विज्ञप्ति जारी गर्दै ९ बुँदे माग राखि तालबन्दी गरिएको जनाएका छन् ।
क्याम्पसमा त्रिविको नियम विपरित आर्थिक चलखेल गरि हाल शिक्षक भर्ना गरिएको आरोप लगाउँदै त्यसलाई रद्द गर्नुपर्ने माग राखिएको विज्ञप्तिमा उल्लेख छ । त्यस्तै क्याम्पसको एमएड, एमबिएस, एमए सोस्योलोजी, बिएड आरडी सोस्योलोजी लगायतका निजि तर्फको कार्यक्रमहरुको आर्थिक वर्ष २०७५/७६ देखि हालसम्मको आयव्यय सार्वजनिक गर्नुपर्ने, क्यामपसको सरसफाई नियमित रुपमा गर्नुपर्ने, पुस्तकालय व्यवस्थापन गर्नुपर्ने, नियमित पठनपाठन संचालन गर्नुपर्ने माग राखेका छन् ।
उनीहरूको साइन्स ल्याव नियमित संचालन गर्नुपर्ने, कन्या छात्रवास, छात्रवास, दलित छात्रावासको व्यवस्थापन गरि संचालन गर्नुपर्ने, अतिरिक्त क्रियाकलाप खेलकुद संचालन गर्नुपर्ने तथा बिबिए अध्ययन कार्यक्रम ल्याइ संचालन गर्नुपर्ने माग समेत रहेको छ ।
