क्रान्ति केन्द्र सम्वाददाता
राजविराज । सप्तरीको राजगढ गाउँपालिकाले आफ्नो कार्यालयकाे भवन उद्घाटन गरेकाे छ ।आइतबार गाउँपालिका अध्यक्ष ओमप्रकाश मण्डलले भवनको उद्घाटन गरेका हुन् ।
उक्त भवन गाउँपालिकाकाे वडा नम्बर -३मा कुल ५ कठ्ठा १४ धुरको क्षेत्रफलमा बनाइएको छ । ११ काेठाकाे उक्त दुई तल्ले भवन पाँच कराेड ५० लाख लागतमा तयार भएको गाउँपालिकाका इन्जिनियर अजय यादवले जानकारी दिए ।
उक्त भवनको डिपिआर ४ तल्लेकाे भए पनि तत्काल गाँउपालिकाले दुई तल्लाकाे मात्रै टेन्डर गरेकाे थियोे ।
भवन निर्माता कम्पनी तुलसी भक्त कंसटक्सनका प्रतिनिधि दिपेन्द्र यादवले आइतबार उक्त भवन गाउँपालिका अध्यक्ष ओमप्रकाश मण्डललाई हस्तान्तरण गरेका थिए ।
भवन उद्घाटन समारोहमा गाउँपालिकाकाे उपाध्यक्ष रेणु कुमारी मण्डल, ६ वटै वडाका वडाअध्यक्षहरु, कर्मचारी, राजनीतिकर्मी लगायत सैकडाौं स्थानीय जनताहरुको उपस्थिति रहेको थियो । उक्त भवनको लागि जग्गा भने सोही गाउँपालिकाका निवर्तमान गापा अध्यक्ष परमान्द यादवले दिएका छन् ।
