क्रान्ति केन्द्र सम्वाददाता
राजविराज । जनता समाजवादी पार्टी (जसपा), नेपाल सप्तरीको उमेश यादव नेतृत्वको जिल्ला कार्यसमितिले पाँचवटा विभागीय प्रमुख तथा जिल्लाको सबै पालिकामा इन्चार्ज तोकेका छन् ।
कार्यसमितिको मंगलबार बसेको बैठकले जिल्लामा पार्टीलाई चुस्त दुरुस्त राख्न उक्त निर्णय गरेको पार्टीका जिल्ला कार्यकारिणी सदस्य निलेश कुमार झाले जानकारी दिए ।
युवा विद्यार्थी विभागको प्रमुखको जिम्मेवारी निरज मुक्तीलाई दिइएको छ भने महिला विभागमा गुलजारी देवी यादव नियुक्त भएकी छिन् ।
शिक्षक तथा बुद्धिजीवि विभाग प्रमुखमा दयानन्द गोइत, प्रचार प्रसार विभाग तथा प्रवक्तामा निलेश कुमार झा र आर्थिक विभागमा सुचिता कुमारी यादवलाई प्रमुख तोकिएको छ ।
त्यस्तै पालिका तर्फ हनुमाननगर कंकालिनी नगरपालिकामा उपेन्द्र मंडल, तिरहुत गाउँपालिकामा जय प्रकाश यादव महदेवा गाउँपालिकामा अभिनव यादव, तिलाठी कोइलाडी गाउँपालिमा सुचिता कुमारी यादव, राजविराज नगरपालिकामा गुलाब यादव, छिन्नमस्ता गाउँपालिकामा ब्रम्हदेव साहलाई इन्चार्जको जिम्मेवारी तोकिएको छ ।
विष्णुपुर गाउँपालिकामा रामेश्वर यादव, राजगढ़ गाउँपालिकामा संतोष मंडल, डाक्नेश्वरी नगरपालिकामा बिजली यादव, शम्भुनाथ नगरपालिकामा धनराज मंडल, खड्क नगरपालिकामा भोला साह, बोदेबरसाइन नगरपालिकामा घुरन कुमार यादव, बलान विहुल गाउँपालिकामा मुखलाल यादव, रुपनी गाउँपालिकामा विरेन्द्र चौधरी, कंचनरुप नगरपालिकामा निलेश कुमार झा, सप्तकोशी नगरपालिकामा संजय मिश्र, सुरुङ्गा नगरपालिकामा दयानन्द गोइत तथा अग्निसाइर कृष्णासवरण गाउँपालिकामा बिन्देश्वर राउतलाई इन्चार्जको जिम्मेवारी दिइएको जनाइएको छ ।
केही समययता सप्तरीमा जसपाको दुई जिल्ला कार्यसमिति रहेको छ । एकको अध्यक्ष केदार यादव रहेका छन् । दुवै कार्यसमितिले आफुलाई पार्टीको वैधानिक जिल्ला समिति रहेको दाबी गर्दै आएका छन् ।
