क्रान्ति केन्द्र सम्वाददाता
राजविराज । सप्तरीको हनुमाननगर कंकालिनी नगरपालिकामा जनता समाजवादी पार्टी(जसपा) नेपालको नगरस्तरीय कार्यकर्ता भेला कार्यक्रम भएको छ ।
शनिबार मधेश प्रदेशका पुर्व अर्थमन्त्री तथा जसपाका राजनीतिक समिति सदस्य शैलेन्द्र प्रसाद साहको प्रमुख आतिथ्यमा कार्यक्रम भएको हो ।
उक्त भेलाबाट जितेन्द्र यादवको अध्यक्षतामा ६५ सदस्यीय नगर समिति समेत गठन गरिएको जसपा सप्तरीका जिल्ला कार्यकारिणी समिति सदस्य निलेश झाले बताए ।
समितिको उपाध्यक्षमा सुभाषचन्द्र झा, शिवनारायण मंडल, सचिवमा श्याम यादव, उपसचिवमा रामु विश्वास, रमानन्द यादव तथा कोषाध्यक्षमा जितेन्द्र यादव रहेका छन् ।
उपेन्द्र मण्डलको अध्यक्षतामा गरिएको उक्त कार्यक्रममा जसप नेता शम्भु झा, जिल्ला कार्यकारिणी समिति सदस्य निरज मुक्ती,, सुभाष यादव, उसमान मियाँ, रमानन्द यादव, पर्शुराम यादव लगायतकाले मन्तव्य व्यक्त गरे ।
कार्यक्रममा हनुमाननगर कंकालिनी नगरपालिका वडा नं १४को वडाध्यक्ष, जसपाको तिलाठी कोइलाडी गाउँपालिका कार्यवाहक अध्यक्ष माधव राय, सचिव शिवनाथ यादव लगायतका जसपका नेता कार्यकर्ताहरुको उपस्थिति रहेको थियो ।
केही समययता सप्तरीमा जसपाको दुई जिल्ला कार्यसमिति रहेको छ। एक समुहको उमेश यादवले नेतृत्व गरिरहेको छ भने अर्कोको केदार यादवले नेतृत्व गरिरहेका छन् ।
शनिबार गरिएको उक्त भेला उमेश यादव नेतृत्वको जिल्ला कार्यसमिति पक्षले गरेको हो ।
