क्रान्ति केन्द्र सम्वाददाता
राजविराज । सप्तरीको तिलाठी कोइलाडी गाउँपालिका वडा नं. ८ तोपामा शनिबार राति आगलागी भएको छ । तोपा चौकदेखि दक्षिण नहरस्थित अशोक मण्डलको गुहाली घरमा आगलागी हुँदा करिब ५० हजार बराबरको क्षति भएको छ ।
गुहालीमा रहेको एउटा गाई समेत आगोले पोलेर घाइते भएको गाउँपालिकाका विपद् ब्यवस्थापन अधिकृत राजेश कुमार झाले बताए ।
आगो लागेको खबर पाएपछि गाउँपालिका अध्यक्ष अरुण कुमार मण्डल, वडा अध्यक्ष सत्यनारायण यादवसहितको टोलीले स्थलगत अनुगमन गरेको थियो ।
