क्रान्ति केन्द्र सम्वाददाता
राजविराज । राजविराज-सखडा सडक खण्ड फराकिलो गर्न राजविराज नगरपालिकाले शुक्रवार डोजर लगाएर अतिक्रमित संरचना भत्काउन सुरु गरेको छ ।
राजविराज नगरपालिका- ६ स्थित सखडा सडक-बागेश्वरी मन्दिर देखि पुर्व सडक मोड सम्मको सडक आसपासका घर टहरा लगायतका अतिक्रमित संरचना हटाउन सुरू गरिएको हो ।
उक्त अतिक्रमणका कारण मन्दिर तथा सोही सडक बाटो हुँदै सिमाबर्ति क्षेत्र बिहार भारत आवतजावत गरेन समस्या हुनुको साथै सडक फराकिलो निर्माण कार्य प्रभावित हुने गरेकोले सूचना दिएर डोजर लगाएर संरचना भत्काएको राजबिराज कार्यवय नगर प्रमुख इसरत परविनले बताईन् ।
अतिक्रमित संरचना हटाउन राजबिराज नगरपालिका वाट पछिल्लो पटक १५ दिने सूचना जारी गरि आग्रह गरेपनि अटेर गरेकोले बाध्य भएर डोजर चलाएको उनले बताईन्।
यसअघि हटिया, कंचनपुर सडक सहितका ठाउँको अतिक्रमित घर, टहरा लगायतका संरचना हटाइएको थिए ।
अतिक्रमण हटाउने क्रममा राजबिराज नगरपालिका प्रमुख प्रशासकीय अधिकृत बिष्णुप्रसाद गुरूङ, राजबिराज नगरपालिका वडा नं ८ का अध्यक्ष तथा नगरपालिकाका प्रवक्ता जय नारायण मण्डल, वडा नं २ का अध्यक्ष अरूण कुमार यादब, वडा नं ७ का अध्यक्ष सुभाष यादब, वडा नं १३ का अध्यक्ष त्रिलाेकिनाथ चाैधरी सहित नगरपालिका कर्मचारी तथा प्रहरीकाे बाकलाे उपस्थिति रहेकाे थियाे ।
