क्रान्ति केन्द्र सम्वाददाता
राजविराज । सप्तरीको तिलाठी कोइलाडी गाउँपालिका वडा नं २ लौनियाँमा वडा कार्यालयले लोकसेवामा भर्खरै नाम निकालेका सो वडाका ८ जनालाई सम्मान गरेको छ ।
आइतवार सो वडाका अध्यक्ष कमल कुमार मंडलको अध्यक्षता तथा मधेश प्रदेश सांसद सतिश कुमार सिंहको प्रमुख आतिथ्यमा आयोजना गरिएको चाडपर्वको शुभकामना आदानप्रदान कार्यक्रममा उनीहरुलाई सम्मान गरिएको हो ।
सम्मान पाएकाहरुमा कृष्णा कुमार मंडल,निशा कुमारी मंडल, प्रतिमा कुमारी मंडल, रबान मंसुरी, विबेक कुमार मण्डल, बिभाष कुमार मण्डल, सुकेश कुमार मण्डल,निकेश कुमार मण्डल रहेका छन् ।
कार्यक्रममा सोही पालिकाका अध्यक्ष अरुण कुमार मंडल, स्थानीय बुद्धिजीवी, पत्रकार लगायतका व्यक्तिहरुको उपस्थिति रहेको थियो ।
