क्रान्ति केन्द्र सम्वाददाता
राजविराज । जनता समाजवादी पार्टी नेपाल(जसपा)की नेत्री सुशिला श्रेष्ठले पार्टीको नेताकार्यकर्ताहरुलाई सिद्धान्त अनुसार काम गरे, नगरेको समिक्षा गर्न आग्रह गरेकी छिन् ।
सप्तरीमा निर्माणधिन आयोजनाको अनुगमन गर्न टोलीमा आएकी उनलाई जनता समाजवादी पार्टी, सप्तरीको कार्यालयमा नेताकार्यकर्ताहरुले गरेको स्वागत कार्यक्रममा बोल्दै उनले यस्तो बताएकी हुन् ।
राष्ट्रिय स्वतन्त्र पार्टीलाई अंकित गर्दै उनले भनिन् ‘निर्वाचनको दुई/तीन महिना अघि आएको पार्टीले २०वटासम्म सिट जितेको छ, हामी कति सिटमा झरेको छौं भने आफैमा समिक्षा गरौं, दोष अरुलाई नदिएर औंला आफ्नो तर्फ फर्काऔं, हामीमा दोष हो की उनीहरू आफै पलाएका हुन्, समिक्षा गरौं ।’
उनले पार्टीको क्वालिटी किन खस्किएको छ अनुसन्धान गरेर त्यसको पनि समाधान आफै गर्नुपर्ने तर्फ लाग्न नेताकार्यकर्तालाई आग्रह गरिन् ।
