क्रान्ति केन्द्र सम्वाददाता
राजविराज । सप्तरीको खडक नगरपालिका-११ बनौलीस्थित हुलाकी सडक खण्डबाट प्रहरीके ५ राउण्ड गोलीसहित दुई जनालाई पक्राउ गरेको छ ।
बिशेष सुचनाको आधारमा ईलाका प्रहरी कार्यालय कल्याणपुरबाट खटिएको प्रहरी टोलिले सिरहाको लक्ष्मिपुर पतारी गाउँपालिका-२ का१९ वर्षीय धर्मजीत कुमार यादवको साथबाट ५ राउण्ड राईफलको(३०३) गोलि फेला पारेको हो ।
प्रहरीके धर्मजित र उनको साथमा रहेको खडक नगरपालिका-११का१८ वर्षीय हरी शंकर कुमार यादवलाई समेत नियन्त्रणमा लिएको हो ।
उनीहरूलाई पक्राउ गरी मुलूकी अपराध संहिता २०७४ अन्तर्गत हात हतियार तथा खरखजना सम्बन्धी कसूरमा सप्तरी जिल्ला अदालतबाट ३ (तिन) को म्याद थप भई अनुसन्धान गराएर अनुसन्धान भइरहेको जिल्ला प्रहरी कार्यालय सप्तरीका प्रवक्ता डिएसपी ढुण्डीराज नेउपानेले जानकारी दिए ।
