क्रान्ति केन्द्र सम्वाददाता
राजविराज । जाजरकोटको बारेकोट गाउँपालिका–१, रामीडाँडामा केन्द्र विन्दु बनाई शुक्रबार राति गएको ६ दशमलव ४ म्याग्निच्युडको भुकम्पमा परेर डेढ सयभन्दा मान्छेहरूको ज्यान गएको पुष्टि भएको छ । भूकम्पका कारण जाजरकोट र रुकुम पश्चिममा गरी १सय ५७ जनाको मृत्यु भएको छ ।
नेपाल प्रहरीको अनुसार जाजरकोटमा १०५ जनाको मृत्यु भएको छ भने ८१ जना घाइते भएका छन् । यस्तै रुकुम पश्चिममा ५२ जनाको मृत्यु भएको छ भने ७८ जना घाइते भएका छन् ।
भूकम्प प्रभावितको उद्धार तथा मद्दतका लागि ठूलो संख्यामा सशस्त्र प्रहरी, नेपाली सेना तथा प्रहरीको टोली खटाइएको छ । पीडितको उद्धार कार्य भइरहेको छ ।
शनिबार बिहान प्रधानमन्त्री पुष्पकमल दाहाल प्रचण्डले घटनास्थलको अनुगमन गरेको थियो ।
