क्रान्ति केन्द्र सम्वाददाता
गए राति जाजरकोटको बारेकोट गाउँपालिका–१, रामीडाँडामा केन्द्र विन्दु बनाई गएको ६ दशमलव ४ म्याग्निच्युडको भुकम्पमा परेर सयौं मान्छेहरूको ज्यान गएको छ । भूकम्पका कारण जाजरकोट र रुकुम पश्चिममा गरी हालसम्म एक सय २८ जनाको मृत्यु भएको छ ।
सशस्त्र प्रहरी बल केन्द्रीय कार्यालयका अनुसार जाजरकोटमा ९२ जनाको मृत्यु भएको छ भने ७० जना घाइते भएका छन् । यस्तै रुकुम पश्चिममा ३६ जनाको मृत्यु भएको छ भने ८५ जना घाइते भएका छन् ।
भूकम्प प्रभावितको उद्धार तथा मद्दतका लागि सशस्त्र प्रहरी, नेपाली सेना तथा प्रहरीको टोली खटाइएको छ ।
