क्रान्ति केन्द्र सम्वाददाता
राजविराज । प्रतिबन्धित लागुऔषध ब्राउनसुगरसहित सिराहाको लहान नगरपालिका-१२ भोटियाटोल चोकबाट प्रहरीले एक युवकलाई पक्राउ गरेको छ।
लहान र महेशबारीस्थित इलाका प्रहरी कार्यालयबाट खटिएको टोलीले सोमबार साँझ दुई ग्राम ४५ मिलिग्राम ब्राउनसुगरसहित लहान नगरपालिका- १३का ३३ वर्षीय देवकान्त चौधरीलाई पक्राउ गरेको हो ।
चौधरी सवार स.९प ८२७४ नम्बरको मोटरसाइकललाई रोकेर चेकजाँच गर्दा प्लास्टिकमा बेरेर लुकाएर राखेको ब्राउनसुगर र तौल गर्ने सानो डिजिटल तराजुसमेत बरामद भएको प्रहरीले जनाएको छ।
चौधरीलाई तत्काल मोटरसाइकलसहित नियन्त्रणमा लिई लहान प्रहरीमा ल्याएर थप अनुसन्धान भइरहेको जनाइएको छ।
