क्रान्ति केन्द्र सम्वाददाता
राजविराज । सप्तरी युथ नेपालद्वारा सप्तरीको राजविराज नगरपालिका वडा नम्बर ७ स्थित राजरंगाशालामा आयोजित १५ दिने सप्तरी महोत्सव सुरु भएको छ ।
मेलाको राजविराज नगरपालिकाकी कार्यबाहक प्रमुख इसरत परविनले आइतबार आयोजित एक समारोहका विच उद्घाटन गरेकी हुन् ।
सप्तरी युथ नेपालका उपाध्यक्ष मोहन कुमार यादवको अध्यक्षतामा आयोजित कार्यक्रममा प्रमुख अतिथि कार्यबाहक नगरप्रमुख परविनले व्यानर बाचन गरेर महोत्सवको उद्घाटन गरिन ।
कार्यक्रममा रुपनी गाउँपालिकाका अध्यक्ष दिनेश कुमार यादव, छिन्नमस्ता गाउँपालिकाका अध्यक्ष विद्यानन्द चौधरी,प्रमुख जिल्ला अधिकारी किरण थापा, राजविराज नगरपालिका ८ का अध्यक्ष एवम नगर प्रबक्ता जयनारायण मण्डल, वडा नम्बर २ का अध्यक्ष अरुण कुमार यादव, ७ का अध्यक्ष सुभाषचन्द्र यादव, नेपाल पत्रकार महासंघका केन्द्रिय सदस्य ललिता कुमारी साह, पुर्व केन्द्रिय सदस्य अबधेश कुमार झा, शाखा सप्तरीका अध्यक्ष श्रवण कुमार देव, ब्रह्ममा कुमारी राजयोग सेवा केन्द्र क्षेत्रीय कार्यालय राजविराजकी मुख्य प्रभारी भगवती दिदि, जसपा सप्तरीका उपसचिव शम्भु कुमार यादव, महेन्द्र विन्देश्वरी बहुमुखी क्याम्पसका सभापति रन्जित कुमार यादव लगायतकाले शुभकामना मन्तव्य व्यक्त गरे ।
पत्रकार जितेन्द्र कुमार झा, जितुद्वारा संचालित कार्यक्रममा स्वागत महोत्सव व्यवस्थापन समितिका संयोजक सत्येन्द्र यादवले गरे ।
कार्तिक २६ गतेसम्म संचालन हुने महोत्सवमा विभिन्न स्थानीय उत्पादनहरुको सयौ स्टलहरु राखिएको छ भने दैनिक रुपमा चर्चित राष्ट्रिय कलाकारहरुद्वारा गित तथा नृत्य प्रस्तुत हुने आयोजकले जनाएको छ ।
