क्रान्ति केन्द्र सम्वाददाता
राजविराज । धानुक मण्डल उत्थान समितिले ६/६ जना जेष्ठ नागरिक र जेहेन्दार विद्यार्थीलाई सम्मान गरेको छ ।
शनिबार सप्तरीको विष्णुपुर गाउँपालिका- ५ मझाउमा आयाेजित शुभकामना आदानप्रदान कार्यक्रममा जगदर प्रागना अन्तर्गत २२ गाउँ मध्येबाट इनरुवा बस्ने ९३ वर्षीय गुजिया देवी मण्डल, ८७ वर्षीय गर्भी मण्डल, राजगढ गापा ५ मलेकपुर बस्ने ८० वर्षीय विन्दा देवी मण्डल, ७७ वर्षीय खैजनी देवी, ८२ वर्षीय सत्यदेव मण्डल सहितलाई दाेसाला, फुलकाे माला र अबिर लगाई आयाेजकले सम्मन गरेको हाे ।
त्यसैगरी स्वजातीय मण्डल भित्र पर्ने एसइइ तर्फ उत्कृष्ट नतिजा ल्याउन सफल भएका छिन्नमस्ता गाउँपालिका -६ खुदिबखारी बस्ने कृष्ण कुमार मण्डल, बिष्णुपुर गाउँपालिका-५ मझाउ बस्ने अमिशा कुमारी मण्डल, पुजा कुमारी मण्डल, विबेक कुमार मण्डल, बादल कुमार मण्डल, मलेकपुर बस्ने कल्पना कुमारी मण्डल र अनडिपट्टी बस्ने निहाल मण्डललाई एक/एक थान ग्रामर, डायरी, डटपेन, जुमेट्री बकस र प्रमाणपत्र सहित फुलेको माला र अबिर लगाई सम्मन गरेको हाे ।
त्यस्तै पकरि प्रागनाबाट तिलाठीकाेइलाडी गाउँपालिकाबाट पालिका अध्यक्ष अरुण कुमार मण्डल, वडा नं २काअध्यक्ष कमल कुमार मण्डल लगायत दर्जन भन्दा बढीलाई गम्छा, फुलकाे माला र अबिर लगाई सम्मानित गरेकाे छ ।
विशिष्ट अतिथिको रुपमा शुभकामना दिईदै तिलाठीकाेईलाडी गाउँपालिका अध्यक्ष अरुण कुमार मण्डलले धानुक जातीको शिक्षा स्तर दिन प्रतिदिन खस्किँदै गएको र यसले स्वजातीय मण्डल समुदाय पछि परेको बताए ।
धानुक मण्डल उत्थान समिति प्रागना जगदर क्षेत्र नम्बर २ र ३ द्वारा आयाेजित तथा समिति अध्यक्ष धनाइ मण्डलकाे अध्यक्षतामा सम्पन्न कार्यक्रमका प्रमुख आतिथी जगदर प्रागनाका तथा मैंजन राजकुमार मण्डल, विशिष्ट अतिथि राय झुयना प्रागनाका मैंजन महेश कुमार मण्डल, पत्रकार कृष्ण मण्डल, वडाअध्यक्ष कमल मण्डल, युवा विशेश्वर मण्डल, उपाध्यक्ष भाेला मण्डल, सदस्य रामानन्द मण्डल, विटेदार दिनेश्वर मण्डल लगायतको व्यक्तिहरुले शुभकामना मन्तव्य व्यक्त गरेका थिए भने कार्यक्रमकाे संचालन सत्यदेव मण्डलले गरेका थिए ।
