क्रान्ति केन्द्र सम्वाददाता
राजविराज । दशैँको अवसरमा सप्तरीको छिन्नमस्ता गाउँपालिका- ३ सखडामा आयोजना गरिएको दोस्रो राष्ट्रिय खुल्ला अध्यक्ष कप भलिबल प्रतियोगिताको उपाधि गाइघाटले हात पारेको छ ।
बिहिबार सप्तरीको खडक र उदयपुरको गाइघाट बिच भएको अन्तिम खेलमा ३-२ले गाइघाटले जित हासिल गरेको हो ।
कपको विजेतालाई नगद १ लाख १ हजार नगद र तथा उपविजेतालाई नगद ५१ हजार नगद पुरस्कार प्रदान गरिएको थियो । उनीहरूलाई सिल्ड तथा प्रमाणपत्र समेत प्रदान गरिएको थियो ।
खेलमा प्रमुख अतिथिको आसान्नबाट बोल्दै गाउँपालिका अध्यक्ष विद्यानन्द चौधरीले खेलकुद स्वास्थ्य संगै समाजलाई एकताबद्ध गर्ने भर्पर्दो माध्यम रहेको बताए । उनले यस खेलको आयोजनाले समाजमा साकारात्मक सन्देश जाने विश्वास व्यक्त गरे ।
गतवर्षदेखि सखडामा दशैँको अवसरमा भलिबल प्रतियोगिता हुँदै आएको छ ।
