क्रान्ति केन्द्र सम्वाददाता
राजविराज । सप्तरीको छिन्नमस्ता गाउँपालिका-३ सखडामा राष्ट्रिय खुल्ला अध्यक्ष कप भलिबल प्रतियोगिताको दोश्रो संस्करण सुरु भएको छ ।
मंगलबार पालिका उपाध्यक्ष राजो देवी यादवको अध्यक्षतामा आयोजित एक कार्यक्रममा पालिका अध्यक्ष विद्यानन्द चौधरीले प्रतियोगिताको उद्घाटन गरेका छन् ।
उक्त प्रतियोगिताको उद्घाटन खेल मंगलबार न्यु श्री राम जानकी युवा क्लब खुरहुरिया र छिन्नमस्ता युवा क्लब सखडा बिच भएको थियो । जसमा छिन्नमस्ता युवा क्लब ५-४ले विजेता बनेका छन् ।
छिन्नमस्ता गाउँपालिकाले गत वर्षदेखि दशैंको अवसरमा भलिबल प्रतियोगिता आयोजना गर्दै आएको छ । यस प्रतियोगितामा ११ वटा टिम सहभागी हुने जनाइएको छ । प्रतियोगिताको विजेतालाई १ लाख १ हजार र उप विजेतालाई ५१ हजा रुपैयाँ नगद पुरस्कार प्रदान गरिने छ ।
प्रतियोगिताको दोस्रो खेल बुधबार उदयपुर र सुनसरी बिच हुने आयोजकले जनाएको छ ।
