क्रान्ति केन्द्र सम्वाददाता
राजविराज । ५९औं राष्ट्रिय बाल दिवसको अवसरमा गाउँपालिका स्तरीय बाल क्लब सञ्जालले तिलाठी कोइलाडी गाउँपालिकाको राजेन्द्र देवकी माविमा विभिन्न कार्यक्रमको आयोजना गरेको छ ।
तिलाठी कोइलाडी गाउँपालिका, सेभ द सप्तरी, सेभ द चिल्ड्रेनको सहयोग तथा दलान युवा क्लबको समन्वयमा बाल क्लब सञ्जालले विभिन्न कार्यक्रमको आयोजना गरेको हो । सो अवसरमा आयोजित कार्यक्रममा बोल्दै प्रदेश सभा सदस्य एवम् अर्थ तथा योजना समितिका सभापति सतिश कुमार सिंहले बाल क्लबको कारण समाजमा रहेका कतिपय गलत कार्यहरुमा न्युनीकरण भएको बताए ।
कार्यक्रममा बोल्दै गाउँपालिकाका अध्यक्ष अरुण कुमार मण्डलले बालबालिकाको हकहितका लागि गाउँपालिका सदैव तत्पर रहेको र उनीहरुको चौतर्फी विकासको लागि विभिन्न कार्यक्रमहरु ल्याएको बताए ।
कार्यक्रममा गाउँपालिकाका वडाअध्यक्षद्वय मुनीलाल मुखिया र सत्यनारायण यादव, गाउँपालिकाका कार्यक्रम अधिकृत राजेश कुमार झा, राजेन्द्र देवकी माविका प्रधानाध्यापक दीपेन्द्र झासहितकाले बाल दिवसको अवसरमा शुभकामना ब्यक्त गरे ।
सो अवसरमा आयोजित म्युजिकल चेयर प्रतियोगितामा रेसमा भुषण एकेडेमीका श्यामसुन्दर साह प्रथम, नव जीवन बाल क्लबका पावनी कुमारी यादव द्वितीय र प्रगति बाल क्लबका अमित कुमार यादव तृतीय भए भने चम्चा दौडमा नव जीवन बाल क्लबका अभिजित झा प्रथम, उज्जवल बाल क्लबका राजीव कुमार मण्डल द्वितीय र भुषण एकेडेमीका सत्यनारायण खंग तृतीय भएका छन् ।
यसैगरी छोटो दौडमा उग्रकान्त माविका शुभम कुमार मण्डल प्रथम, राजेन्द्र देवकी माविका युग कुमार मण्डल द्वितीय र श्याम बोर्डिङ्ग स्कूलका ओम कुमार राय तृतीय भएका छन् भने मेमोरी टेस्ट खेलमा सृजना बाल क्लबका सुजित कुमार राम प्रथम, राजेन्द्र देवकी माविका लक्की झा द्वितीय र गाइडलाइन बोर्डिङ्ग स्कूलका अञ्जली कुमारी साह तृतीय भएका छन् ।
यस्तै स्लो साइकल रेसमा राजेन्द्र देवकी माविका मनिष रजक प्रथम, ल.ब.न. माविका सतेन्द्र कुमार मण्डल द्वितीय र पब्लिक मावि लौनियाँ तिलाठीका रोशन मण्डल तृतीय भएका छन् । यस्तै छोटो दौडमा छात्रातर्फ ल.ब.न. माविका अर्चना साह प्रथम, राप्रावि तिलाठीकी परिधी झा द्वितीय र ल.ब.न.माविकै प्रिया कुमारी यादव तृतीय भएका छन् ।
तिलाठी कोइलाडी गाउँपालिकाले युनिसेफको सहयोगमा सञ्चालन गरेको बालमैत्री स्थानीय शासन कार्यक्रमअन्तर्गत आयोजना गरेको बालविवाह न्युनीकरणमा बाल क्लबको भूमिका बिषयक बाल क्लब स्तरीय निबन्ध लेखन प्रतियोगिताका विजयीहरुलाई समेत पुरस्कार प्रदान गरियो । सो प्रतियोगितामा वडा नं. १ का् नव जीवन बाल क्लबका पल्लवी कुमारी झा प्रथम, अमन कर्ण द्वितीय र सीमा कर्ण र दिपान्शु कर्ण तृतीय भएका छन् । यसैगरी वडा नं. २ लौनियाँको उन्नति बाल क्लबकी पूजा कुमारी ठाकुर प्रथम, आरती कुमारी खंग द्वितीय र शिवन मण्डल तृतीय भएका छन् ।
यसैगरी वडा नं. ३ सकरपुराको प्रगति बाल क्लबकी सीता यादव प्रथम, प्रभाष कुमार राय द्वितीय र काजल कुमारी यादव तृतीय, वडा नं. ४ कोइलाडीको उज्जवल बाल क्लबका नवल किशोर कामैत प्रथम, सन्ध्या सिंह द्वितीय र महिन्द्र कुमार राम तृतीय भएका छन् भने वडा नं. ५ को. बर्साइनको सृजना बाल क्लबका सुदर्शन शर्मा प्रथम, सुजित कुमार राम द्वितीय र शिव कुमार राम तृतीय भएका छन् ।
यस्तै वडा नं. ६ को. मधेपुराको प्रकृति बाल क्लबका धर्मेन्द्र कुमार राम प्रथम, सन्तोष कुमार साह द्वितीय र राजकुमार साह तृतीय, वडा नं. ७ मन्सापुरको उत्तम बाल क्लबका नीक कुमार मण्डल प्रथम, सुजित कुमार मण्डल द्वितीय र किरण कुमारी माली तृतीय भएका छन् भने वडा नं. ८ तोपाको मिथिला बाल क्लबका अभिषेक यादव प्रथम, सपना कुमार झा द्वितीय र फुलेन्द्र कुमार खंग तृतीय भएका गाउँपालिकाका कार्यक्रम अधिकृत राजेश कुमार झाले बताए ।
गाउँपालिका स्तरीय बाल क्लब सञ्जालका अध्यक्ष कल्पना कुमारी यादवको अध्यक्षतामा आयोजित सो कार्यक्रममा कञ्चन कुमारी यादवले स्वागत गरिन् भने काशिन्दर शर्माले सो कार्यक्रम सञ्चालन गरे ।
