क्रान्ति केन्द्र सम्वाददाता
राजविराज । विपी कोइरालाको ११०औं जन्मजयन्तीको अवसरमा नेपाली काँग्रेस सप्तरीले आइतबार राजविराजमा बिचार गोष्ठी गरिएको छ ।
प्रथम जननिर्वाचित प्रधानमन्त्री एवं नेपाली काँग्रेसका संस्थापक नेता विपी कोइरालाको योगदानको सम्झना गर्दै ‘विपीको बहुआयामिक व्यक्तित्व’ विषयक विचार गोष्ठीको आयोजना गरेको थियो ।
गोष्ठीमा सहभागी वक्ताहरुले विपी कोइरालाले राजनीतिक र साहित्यीक क्षेत्रमा पुर्याएको योगदानको स्मरण गर्दै उनको विचार चिन्तनको जगमा काँग्रेसलाई अगाडी बढाउनु पर्नेमा जोड दिए ।
काँग्रेस सप्तरीका सभापति रामदेव साहको अध्यक्षता तथा पूर्वगृह राज्यमन्त्री रामकुमार चौधरीको प्रमुख आतिथ्यमा आयोजित गोष्ठीमा मधेश प्रदेशकी सहमहामन्त्री बिन्दु यादव, पार्टीको प्रदेश कमिटी सदस्य आशाराम चौधरी, जिल्ला उपसभापति रामकुमार यादव, डा. पिताम्बरलाल यादव, संगठन विभाग प्रमुख बद्री महात्मान यादव, ट्रेड युनियनका जिल्ला सभापति मनोज मण्डल, नेवि संघका जिल्ला सभापति राकेश ठाकुर, नेपाल प्रजातान्त्रिक कानुन व्यवसायी संघका सचिव सुरेन्द्र यादव, प्रेस युनियनका जिल्ला सभापति बिनयलाल कर्ण, तरुण दलका जिल्ला सभापति अर्जुन यादवलगायतले स्व. विपिको योगदान बारे चर्चा गरेका थिए ।
