क्रान्ति केन्द्र सम्वाददाता
राजविराज । हेल्प मधेशी साउदी अरबद्वारा राजबिराज-९ मलेठ निवासी अर्जुन कुमार ठाकुरलाई आर्थिक सहयोग गरिएको छ ।
हेल्प मधेशी साउदी अरबका केन्द्रीय अध्यक्ष रामदुलाल मण्डल र उपाध्यक्ष विनय रौनियार समेतको ब्यक्तिबाट रकम संकलन गरि पिडित ठाकुरलाई उपचारका लागि आर्थिक नगद ५० हजार ६ सय १० रुपैयाँ सहयोग गरिएको हो ।
ठाकुर छ महिना अघि मोटरसाईकल दुर्घटनामा परी टाउकोमा चोट लागि गम्भीर घाईते भएको थियो ।
आर्थिक अभावको कारण टाउकोको आधि भागको मात्रै उपचार हुन पाएको पिडित ठाकुरको आमाले बताईन् ।
अस्पतालले छ महिन भित्र टाउकोको आधा भागको उपचार गराउन भनेपनि उपचार अभावले हालसम्म गर्न नपाएर उनका आमा बिचलित बनेकी छिन् ।
सानै कालमा बुवा गुमाएका उनका घरमा कतैबाट आय श्रोत आउने आधार नाममा ठाकुर नै थिए । उनी घरमा घर पेन्टको काम गर्दै थिए । उनका परिवारमा श्रीमती, आमा र दुई छोरा-छोरी छन ।
हेल्प मधेसी जिल्ला सप्तरीकी अध्यक्ष रिना झा, कोषाध्यक्ष रामजी यादब छर छिमेकीको उपस्थितिमा पिडितलाई संकलनको रकम नगद बुझाएको अध्यक्षाले जानकारी दिईन् ।
